Monitorimet për muajin Nëntor 2018!

Gjatë muajit Nëntor 2018, QKEV ka monitoruar gjithsej 17 aktivitete, lidhur me zbatimin e standardeve të cilësisë së edukimit në vazhdim.

Sipas llojit të aktivitetit, kanë qenë 9 Trajnime, 5 Konferenca, 2 Leksione dhe 1 Seminar.

Nga monitorimi u dallua për përmbushje maksimale të standardeve të edukimit në vazhdim, aktiviteti :"Kongresi i II-të i Fakultetit te Mjekësisë Dentare "Qasje të reja interdisiplinare në rehabilitimin oral dhe të përgjithshëm", organizuar nga Fakulteti i Mjekësisë dhe Shoqata Kombëtare Shqiptare e Profesionistëve Dentarë.

Plotësimi i standardeve konsistoi në nivelin e lartë shkencor të prezantimit nga ana e lektorëve, në respektimin me rigorozitet të programit të aktivitetit, si dhe standardeve të tjera të cilësisë, për të cilat përfitoi rritje të numrit të krediteve.

MJEKE, DENTISTE, FARMACISTE!

Ju kujtojmë se më 31 dhjetor 2018 mbyllet Programi i Certifikimit 2015 – 2018. Numri i kërkuar i krediteve të edukimit në vazhdim është për mjekët 120 kredite (minimumi i domosdoshëm 10 kredite për cdo vit kalendarik) dhe 60 kredite për farmacistët dhe dentistët (minimumi i domosdoshëm 5 kredite për cdo vit kalendarik).

Lutemi verifikoni pranë QKEV-së nëse keni përmbushur detyrimet dhe paraqitni brenda   31 dhjetorit 2018 dokumentet qe ju mungojnë.

Jeni të mirëpritur!

Monitorimet e Aktiviteteve për Muajin Tetor 2018

Gjatë muajit Tetor 2018, QKEV ka monitoruar gjithsej 20 aktivitete, lidhur me zbatimin e standardeve të cilësisë së edukimit në vazhdim.

Sipas llojit te aktivitetit, kanë qenë 11 Trajnime, 5 Konferenca, 2 Leksione dhe 2 Seminare.

Nga monitorimi u dallua për përmbushje maksimale të standardeve të edukimit në vazhdim, aktiviteti "Të jetosh me sëmundjen renale kronike ", organizuar nga Fakulteti i Mjekësisë.

Plotësimi i standardeve konsistoi në nivelin e lartë shkencor të prezantimit nga ana e lektorëve, në respektimin me rigorozitet të programit të aktivitetit, si dhe standardeve të tjera të cilësisë, për të cilat përfitoi rritje të numrit të krediteve.

Workshop për prezantimin e ndryshimeve të miratuara së fundmi në kuadrin ligjor të edukimit në vazhdim

"Në kuadër të ndryshimeve të fundit të miratuara në kuadrin rregullator të edukimit në vazhdim, më datë 24 Tetor 2018, QKEV zhvilloi një Workshop me Ofruesit e aktiviteteve dhe në këtë takim të parë morën pjesë përfaqësues të Shoqatave e Urdhrave të profesionistëve, si dhe të disa OJF.

Takimi konsistoi në prezantimin nga ana e specialistëve të QKEV të ndryshimeve të miratuara në aktet nënligjore që lidhen me procedurat e akreditimit të aktiviteteve të edukimit në vazhdim, si dhe të kritereve dhe standardeve të akreditimit të Ofruesve të aktiviteteve, duke vijuar në formën e një bashkëbisedimi interaktiv mes palëve.

Ky workshop do të pasohet nga një i dytë, në të cilin do të marrin pjesë përfaqësues të universiteteve dhe ofruesve të shërbimeve shëndetësore, spitaleve rajonale dhe qendrave shëndetësore të kujdesit parësor, duke permbyllur keshtu ciklin e takimeve me ofruesit e aktiviteteve te edukimit në vazhdim, për përditësimin e tyre me ndryshimet ligjore të ndodhura".