slogan7-al

Të reja

Njoftim për ndyshime në Kuadrin Rregullator të Edukimit në Vazhdim

QKEV njofton të gjithë Ofruesit e Edukimit në Vazhdim mbi ndryshimet e Kuadrit Rregullator të Edukimit në Vazhdim.

Vendimet që pasqyrojnë këto ndryshime janë;

1. VKM Nr. 394 datë 27.6.2018 

2. VKM nr. 418_date 4.7.2018

Monitorimet e Aktiviteteve për Muajin Qershor 2018

Gjatë muajit Qershor 2018, QKEV ka monitoruar gjithsej 28 aktivitete, lidhur me zbatimin e standardeve të cilësisë së edukimit në vazhdim, prej të cilave 13 Trajnime, 8 Konferenca, 2 Workshop dhe 5 Seminare.

Nga monitorimi u dalluan për përmbushje maksimale të standardeve të edukimit në vazhdim, aktivitetet:

- Trajnim stafi Qendra Shëndetësore ABC, organizuar nga Qendra Shëndetësore ABC Tiranë.

- Simpoziumi i dytë Ndërkombëtar i Ortodoncisë, organizuar nga Shoqata e Ortodontëve Shqiptarë.

- Konferenca e Parë e Shoqatës së Mjekut të Përgjithshëm dhe Familjes të Shqipërisë.

Plotësimi i standardeve konsistoi në nivelin e lartë shkencor të prezantimit nga ana e lektorëve, në respektimin me rigorozitet të programit të aktivitetit, si dhe standarteve të tjera të cilësisë, për të cilat përfituan rritje të numrit të krediteve.

Monitorimet e Aktiviteteve për Muajin Prill dhe Maj 2018

Gjatë muajve Prill dhe Maj 2018, QKEV ka monitoruar gjithsej 50 aktivitete, lidhur me zbatimin e standardeve të cilësisë së edukimit në vazhdim, prej të cilave 35 Trajnime, 2 Leksione, 6 Konferenca, 3 Kongrese, 2 Workshop dhe 2 Seminare.

Nga monitorimi u dalluan për përmbushje maksimale të standardeve të edukimit në vazhdim, aktivitetet:

- Konferenca “First course in fetal echography”, organizuar nga SUOGJ 'Mbretëresha Geraldine'.

- Trajnimi BLSD basic life support defibrilation, organizuar nga Qendra Kombëtare e Urgjencave Mjekësore.

- Diabeti Mellitus Tip 1 tek fëmijët dhe Diabeti Gestacional dhe 'Trajtimi i faktorëve të riskut kardiovaskular në pacientët diabetikë', organizuar nga Shoqata Shqiptare e Diabetit.

- Shërbimet për Shëndetin Seksual dhe Riprodhues në situata emergjence dhe krize humanitare, organizuar nga Qendra Shqiptare per Popullsine dhe Zhvillimin.

- Konferenca 'Infermieria dhe edukimi infermieror në Shqipëri', organizuar nga Urdhri i Infermierit të Shqipërisë.

Plotësimi i standardeve konsistoi në nivelin e lartë shkencor të prezantimit nga ana e lektorëve, në respektimin me rigorozitet të programit të aktivitetit, si dhe standarteve të tjera të cilësisë, për të cilat përfituan rritje të numrit të krediteve.

Njoftim për Provimin e Certifikimit për Profesionistët e Shëndetësisë!

Ju njoftojmë se në datën  7 Qershor 2018 ora 11:00 është parashikuar të zhvillohen provimet e Certifikimit për Profesionistët e Shëndetësisë ( mjekë, stomatologë, farmacistë ) të cilët nuk kanë përmbushur detyrimet e ciklit të parë të programit të Certifikimit 2010 - 2014:

Provimet do të zhvillohen pranë fakulteteve përkatëse.

Pjesëmarrësit në provim duhet :

1. Të jenë të pajisur me dokument identiteti (kartë identiteti ose pasaportë), si dhe me një fotokopje të saj;

2. Të kenë faturën e pagesës për provimin e certifikimit; Fatura

3. Të paraqiten së paku 30 minuta përpara fillimit të provimit.

Regjistrimet për provim bëhen pranë QKEV-së duke paraqitur dokumentet e mëposhtme:

Fotokopje të kartës së identitetit;

Fotokopje e lejes së ushtrimit të profesionit.

Për më shumë mund të shikoni:

Rregullorja e Provimit të Certifikimit

Programet Orientuese

Monitorimet e Aktiviteteve për Muajin Mars 2018

Gjatë muajit Mars 2018, QKEV ka monitoruar gjithsej 19 aktivitete, lidhur me zbatimin e standardeve të cilësisë së edukimit në vazhdim, prej të cilave 15 Trajnime, 2 Leksione, 1 Konferencë dhe 1 Seminar.

Nga monitorimi u dallua për përmbushje maksimale të standardeve të edukimit në vazhdim, aktivitetiKonferenca V-të Farmaceutike “Së bashku për Farmaceutikën”, e organizuar nga Urdhri i Farmacistëve të Shqipërisë në bashkëpunim me Odën e Farmacistëve të Kosovës dhe Universitetin e Mjekësisë Tiranë.

Plotësimi i standardeve konsistoi në nivelin e lartë shkencor të prezantimit nga ana e lektorëve, në respektimin me rigorozitet të programit të aktivitetit, si dhe standarteve të tjera të cilësisë, për të cilat përfitoi rritje të numrit të krediteve.